الثلاثاء، 22 نوفمبر، 2011

على مصر حرة

على مصر حرة

من عرفة فاروق في 22 نوفمبر، 2011‏، الساعة 05:30 مساءً‏‏

وبعد كام يوم مقاطع فيهم النت وحزين على بلدى ورغبتى الجارفة فى التعبير عن مدى حبى وأعتزازى بكونى مصرى شايف ان مطالبنا فى التحرير تتمحور فى شئ واحد وهو

مصر حرة

...

بتدور على ايه ؟

عن كلمة تايهة فى الكتاب

عن حرف مدفون فى التراب

عن حلم راجع من غياب

عن مصر حرة

الفجر ملحمة الندى

والشمس طالة

والنيل بيبكى من الفرح

والنسمة هالة

يا مصر خيرك لو طرح

ولا أى جنة

يا مصر حرة

ونزلت أدور فى الزحام

عن كلمة حلوة

عن ضحكة رايقة

عن ابتسام

عن حلم غنوة

لما لقيتك فى الميدان

يا مصر حرة

والدم سايل فى الشتا

بركان وجمر

أنا اصلى مسلوب الخطى

والحب أمر

يا مصر حبك لو أمر

يفديكى عمر

يا مصر حرة

ــــــــــــــــــــــــــــــــــــــــــــــــــــــــــــــــــــــــــــــــ

من وحى الميدان

وللقصيد بقية